भिवंडीत तीन कोटी रुपयांचा प्रतिबंधित गुटखा व तीन कंटेनर सह जप्त गुन्हा दाखल.तिघांना अटक

भिवंडी ( भानुदास भसाळे ) महाराष्ट्रात गुटखा विक्री साठी प्रतिबंधीत करण्यात आला आहे. असे असताना भिवंडी शहर परिसरात मोठ्या प्रमाणात बिनधास्तपणे  गुटखा या पदार्थची विक्री व वाहतूक करून  विक्री सुरू आहे.याबाबत
ठाणे ग्रामीणचे गुन्हे शाखेच्या पोलिसांना माहिती मिळताच त्यांनी मुंबई नाशिक महामार्गावरील येवई गांवाजवळील धाब्याजवळ सापळा रचून केलेल्या धडक कारवाईत तीन मालवाहू कंटेनर मधून एकुण सुमारे तीन कोटी रुपये किमतीचा
आणला जात असलेला गुटखा,जर्दा चा मुद्देमाल हस्तगत करीत तिघा चालकांना ताब्यात घेऊन अटक केली आहे.
पोलिस सूत्रांनी दिलेल्या माहिती नुसार ठाणे ग्रामीण पोलीस अधीक्षक डॉ.डी.एस. स्वामी यांनी महामार्गावरून होणाऱ्या गुटखा तस्करीवर पाळत ठेवण्याचे आदेश दिले होते. त्यामुळे गुन्हे शाखेचे पोलीस निरीक्षक सुरेश मनोरे यांच्या नेतृत्वाखालील सहाय्यक पोलीस निरीक्षक भास्कर जाधव,पोलिस हवालदार उमेश ठाकरे,हनुमंत गायकर, भगवान सोनावणे,सुहास सोनावणे,हेमंत विभुते,धनाजी कडव,संतोष सुर्वे,पोलिस नाईक जितेंद्र वारके,योगेश शेळकंदे,स्वप्नील बोडके यांना नाशिक मुंबई महामार्गा वरून गुटखा व प्रतिबंधित तंबाखू यांची वाहतूक होणार असल्याची माहिती मिळाल्याने त्यांनी मुंबई नाशिक महामार्गावरील भिवंडी जवळील येवई गावाच्या हद्दीतील शामीयाना धाब्याचे समोरील रस्त्यावर कांती मोटार्स या दुकानाच्या समोर सापळा रचला. संशयित कंटेनर क्रमांक (आरजे 14 जीक्यु 1643)(आरजे 14 जीक्यु 1642) व( एचएच 04 एलई 6637) या अशोक लेलॅण्ड कंपनीचे तीन कंटेनर उभे असलेले आढळून आले.या कंटेनरची तपासणी केली असता त्यामध्ये मानवी आरोग्यास अपायकारक व प्रतिबंधित सुमारे 3 कोटी 55 लाख 14 हजार 310 रुपये किमतीचा जाफरानी जर्दा तंबाखू,गुटखा चा मुद्देमाल आढळून आला.त्यामुळे पोलिस पथकाने या कंटेनर वरील ताहीर सिताब खान,मोहम तारीफ हबीब खान,जाहुल यासीन हक (सर्व रा.राजस्थान ) यांना ताब्यात घेऊन त्यांच्या विरोधात भिवंडी तालुका पोलीस ठाणे येथे विविध कलमान्वये गुन्हा दाखल करून तिन्ही चालकांना अटक केली आहे.पुढील तपास सहाय्यक पोलीस निरीक्षक भास्कर जाधव हे करीत आहेत.