भिवंडी ( प्रतिनिधी )मोबाईल फोन चा माध्यमातून अनेक लोकांना अमिष दाखवून ऑनलाईन फसवणूक करण्याचे प्रकार वाढत असल्याने शासन व पोलिसांच्या माध्यमातून जनजागृती केली जात आहे असे असताना सुध्दा अनेक अशिक्षितां सोबतच सुशिक्षित नागरिकांना सुध्दा फसवले जात आहेत. असे असताना भिवंडी शहरातील शांतीनगर पोलिसांनी ऑनलाईन फसवणूक करणाऱ्या पाच जणांच्या टोळीचे कारनामे उघड करीत गुन्हा दाखल केला आहे.या प्रकरणात दोन अल्पवयीन असल्याने तिघा जणांना अटक केली असून त्यांच्या जवळून ९ मोबाईल,१२ डेबिट कार्ड,१७ चेक बुक असा मुद्देमाल हस्तगत करण्यात आला असल्याची माहिती शांतीनगर पोलिस ठाण्याचे वरिष्ठ पोलिस निरीक्षक विनायक गायकवाड यांनी पत्रकार परिषदेत दिली आहे. अब्दुल रब अब्दुल अहाद अन्सारी ( 23 ), आतिक अहमद अन्सारी ( 20 ),मोहम्मद बशर जकी उल्ला अन्सारी ( 20 ) सर्व राहणार शांतीनगर भिवंडी असे अटक केलेल्या आरोपींची नावे आहेत.
पोलीस सुत्रांनी दिलेल्या माहितीनुसार भिवंडीतील फातिमा नगर येथे काही इसम वेगवेगळ्या लोकांच्या नावाने बँक खाते उघडून ऑनलाइन फसवणूक करून त्यांचे बँक खात्यात पैसे आल्यानंतर पैसे काढून लोकांचे फसवणूक करत असल्याची पोलिसांना माहिती मिळाली.त्यामुळे वरिष्ठ पोलीस निरीक्षक विनायक गायकवाड, पोलीस निरीक्षक (गुन्हे) अतुल अडूरकर,पोलीस निरीक्षक (प्रशासन) विनोद पाटील यांचे विशेष पोलीस पथकाचे सहाय्यक पोलीस निरीक्षक सुरेश चोपडे,रिजवान सैयद,लक्ष्मण सहारे,निलेश महाले, प्रशांत बर्वे,भुषण पाटील,दिपक सानप,चव्हाण, राउत,महिला पोलिस शिपाई आंधळे या पोलिस पथकाने फातिमानगर परिसरातून या पाच जणांना ताब्यात घेऊन कसून चौकशी केली असता त्यांच्या कडील बँक खात्याची माहिती प्राप्त करून राष्ट्रीय सायबर अपराध रिपोर्टिंग पोर्टल तपासणी केली असता आरोपीं कडून हस्तगत केलेल्या बँक खात्यात भारतातील वेगवेगळ्या शहरात मधील,देहेरी पोलीस स्टेशन बिहार राज्य,तामिळनाडू कोईमतुर, तामिळनाडू,भिवडी पोलीस स्टेशन राजस्थान, नारायणपुरा पोलीस स्टेशन अहमदाबाद, हिन्नूर पोलीस स्टेशन बेंगलोर कर्नाटक या ठिकाणाहून त्यांच्या बँक खात्यात ऑनलाईन रक्कम ट्रान्सफर झाल्याने बँक खाते फ्रीज (बंद) करण्यात आल्याची माहिती मिळाली.
ताब्यात घेतलेले इसम हे ऑनलाइन फसवणूक करणारे असल्याची खात्री झाल्याने त्यांच्या जवळील आठ बँक खात्याची माहिती प्राप्त झाली आहे.
त्यानुसार आरोपींच्या बँक खात्यां मध्ये सुमारे 35 लाख रुपये रक्कम वर्ग झाली व त्यानंतर आरोपींनी ही रक्कम तत्काळ बॅक खात्यातून काढून घेतल्याचे तपासात निष्पन्न झाले आहे. पोलिसांनी या पाचही आरोपीं विरोधात शांतीनगर पोलीस ठाण्यात गुन्हा दाखल करून अटक केली आहे.आरोपीं जवळील उर्वरित बँक खात्याची तपासणी करून केलेली रक्कम अजून वाढण्याची शक्यता असल्याची माहिती वरिष्ठ पोलीस निरीक्षक विनायक गायकवाड यांनी दिली आहे.
